सूचना तथा समाचार

सीप मुलक उधमशिलता तालिम सम्बन्धी अभिमुखीकरण कार्यक्रम

यूवाहलाई आत्मनिर्भर बनाउन साँफेबगर नगरपालिकाले सहयोग गर्ने भएको छ । दलित संजाल साफेबगर अछामको आयोजनामा फागुन २ गते भएको सीप मुलक उधमशिलता तालिम सम्बन्धी अभिमुखीकरण कार्यक्रममा सो कुराको जानकारी गराईएको हो । साँफेबगर नगरपालिकाका प्रमुख कुल बहादुर कुँवरले यूवाहरुले आत्म निर्भर हुन व्यावसाय सञ्चालन सुरु गरे नगरपालिका सहयोग गर्न तयार रहेको बताउनु भएको हो । कुँवरले यूवाहरुले विभिन्न विधाका तालिम तथा सीपहरु सिकेर स्रोजगार हुनुपर्ने बताउनु भयो । सरकारले यूवाहरुलाई आत्मनिर्भर बनाउनका लागि बिना धितो ऋण लगानी गर्न लागेको र प्रधानमन्त्री कृषि आधुनिकिकरण कार्यक्रम अधि सारेको पनि उहाँले बताउनु भएको थियो । कार्यक्रममा बोल्दै साँफेबगर नगरपालिकाका उपप्रमुख बिर्मला बुडथापाले कसैले परनिर्भर नभएर आत्म निर्भर हुनु पर्ने बताउनु भएको छ । उहाँले आत्म निर्भर बन्न चाहने यूवाहरुलाई नगरपालिकाले सहयोगका लागि पहल गर्ने बताउनु भएको छ । उहाँले साँफेबगर नगरपालिकालाई आर्थिकमा आत्म निर्भर बनाउनका लागि यूवाहरुको महत्वपूर्ण भूमिका र जिम्मेवारी भएको पनि बताउनु भयो । कार्यक्रममा बोल्दै नेकपाका नेता प्रकाश शाहले आफूसंग सिप भयो भने संसारका जूनसुकै ठाउँमा गएर पनि आफ्नो जिवन निर्वाह गर्न सकिने बताउनु भयो । नेता शाहले आफ्नो उर्जा्शिल समयलाई खेर नफालेर समयको सदुपयोग गर्नु पर्ने बताउनु भयो । यस्तै कार्यक्रममा बोल्दै नेपाली काङ्ग्रेसका क्षेत्रीय शभापती कृष्ण बहादुर बुढाले यूवाहरुले विभिन्न सिपहरु सिकेर उद्यमशिल हुनुपर्ने बताउनु भएको छ । उहाँले बेरोजगार बस्नु भन्दा विभिन्न सिपहरु सिकेर व्यवसाय सञ्चालन गरे आफू आत्म निर्भर हुनुका साथै बेरोजगारी समस्यामा समेत कमि आउने बताउनु भयो । दलित संजाल साफेबगर अछामको आयोजना, साफेबगर नगरपालिका र नेपाल युथ फाउन्डेसन नेपालको संयुक्त आर्थिक सहयोगमा ओल्गापुरी भोकेस्नल स्कुलमा सन्चालन हुने तालिम छनोट कार्यक्रम सम्पन्न भएको हो । चलाउनु छ सिप, बलाउनु छ दिप, बनौँ आत्म निर्भरता घटाऔँ परनिर्भरता भन्ने मुल नाराका साथ भएको कार्यक्रम दलित नगर संजालका अध्यक्ष सुरत भुलको अध्यक्षतामा भएको थियो । कार्यक्रम साँफेबगर नगरपालिकाका प्रमुख प्रशासकिय अधिकृत खेमराज देवकोटा, साफेबगर नगरपालिकाका १४ वटा वडा वडा अध्यक्षहरु, नगरकार्यपालिका सदस्यहरु, ओल्गापुरी भोकेस्नल स्कुलका बिनोद कडारा, १४ वटै वडाबाट तालिममा सहभागी हुन आएका ७५ जना सहभागीहरुको सहभागीता रहेको थियो । अन्तरपाटि महिला संजाल साफेबगरका सचिब सीता कुवरले स्वागत मन्तव्य राख्नु भएको कार्यक्रमको संचालन युवा संजाल साफेबगरका अध्यक्ष भुपेन्द्र भणडारीले गर्नु भएको थियो ।

महिलाहरुका लागि ३ दिने आत्मरक्षा शिबिर

महिलाहरुका लागि ३ दिने आत्मरक्षा शिबिर साफेबगरमा सुरु भएको छ । राष्ट्रिय गोजुरियो कराते दो संघ नेपालको आयोजना र साफेबगर नगरपालिकाको आर्थिक सहयोगमा महिला, बालबालिका तथा किशोरी माथि हुने हिंसा विरुद्ध सशक्तिकरणका लागि प्रतिकारात्मक प्रशिक्षण भन्ने मुला नाराका साथ शिविर सञ्चालन भएको हो । महिला माथि हुने विभिन्न खाले हिंसा तथा बलात्कारका विरुद्ध महिलाहरुले आफै नै आत्म सुरक्षा गर्न सहज हुने उद्धेश्यले शिविरको आयोजना गरिएको बताईएको छ । दिनदिनै बढिरहेको बलात्कार र हत्या हिंसा न्यूनिकरणका लागि शिविरले महत्वपूर्ण भूकिमका खेल्ने जनाईएको छ । महिला माथि हुने हिंसाबाट बच्न साँफेबगरमा महिलालाई आत्मरक्षा तालिमको आयोजना शनिबारबाट सुरु भएको छ । राष्ट्रिय गोजुरियो कराँते दो संघ अछामको आयोजना र साँफेबगर नगरपालिकाको आयोजनामा तालिमको आयोजना गरिएको हो । तालिममा सहभागिले आत्मसुरक्षा कसरी गर्ने, आक्रमणबाट कसरी बच्ने, महिला माथि हुने घटनाको प्रतिकार कसरी गर्ने लगायतका विषयमा जानकारी पाएको बताएका छन् । २०७५ माघ २६ गते शनिबारबाट सुरु भएको तालिम तिन दिनसम्म सञ्चालन हुनेछ । तालिममा नगरका १४ वटा माध्यामिक विद्यालयका किशोरी, १४ वटै वडाका महिला सदस्य, नगरकार्यपालिका सदस्य, पत्रकार महिला, युवा सञ्जाल, दलित सञ्जाल, महिला सञ्जालमा आवद्ध भएका महिलाको तालिममा सहभागिता रहेको छ । महिला हिंसाका घटनाहरु बढीरहेको वेला त्यसको कसरी प्रतिकार गर्न सकिन्छ र आफु कसरी बच्ने भन्ने बिषयमा प्रशिक्षण भईरहेको आत्मरक्षा तालिमका प्रशिक्षक विएस ओडको भनाई रहेको छ । थप जानकारी: https://meroreport.net/blog/l-l-aa-l-0

साँफेबगर नगरपालिका शैक्षिक गुणस्तरको परामर्शमा

साँफेबगर नगरपालिकामा अनुगमन सूचक र शैक्षिक सुधारको लागि छलफल कार्यक्रम २०७५ साल माघ १४ गते सम्पन्न भएको छ । छलफल कार्यक्रममा विद्यालयले शिक्षक निर्देशिक र शैक्षिक सामग्रीको सहयोगबाट शिक्षण गर्नुपर्ने, वार्षिक शैक्षणिक योजना बनाउनुपर्ने, शिक्षण सुधार योजना बनाई ६/६ महिनामा अध्यावधिक गर्ने, कमजोर वालवालिकाको लागि उपचारात्मक शिक्षण सिकाई गर्नु पर्ने निर्णय पारित गरिएको छ । शैक्षिक गुणस्तरको लागि अभिभावक र कक्षा शिक्षविच अन्तरक्रिया, केन्द्र, प्रदेश र स्थानीय सरकारले आयोजना प्रअ, विद्यालय व्यवस्थापन समितिको सहभागिता, ३ वर्षको विद्यार्थीको सिकाई उपलब्धीको विश्लेषण गरी भावि योजना बनाउने लगायतका निर्णयहरु पारित गरिएको नगर शिक्षा शाखा प्रमुख नरबहादुर कार्कीले जानकारी दिनुभयो । नगरको शिक्षा ऐन अनुसार विद्यालय व्यवस्थापन समिति, शिक्षक अभिभावक संघ गठन, विद्यालय व्यवस्थापन समितिको वैठक वर्षमा ६ पटक वैठक बस्नुपर्ने, शिक्षकले शिक्षा ऐन नियमअनुसार विद्यालयमा सहभागिता जनाउनुपर्ने लगायतका निर्णय भएको स्रोत व्यक्ति हरि प्रसाद जोशीले जानकारी दिनुभयो । छलफल कार्यक्रम विद्यालयको अनुगमनका क्रममा विद्यालयले प्राप्त गरेको आधारमा नगरबाट आर्थिक सहयोग गर्ने र शैक्षिक सुधारको लागि प्रस्तुत भएका दुवै कार्यपत्र सुझाव सहित पारित गरिएको नगर प्रमुख कुलबहादुर कुँवरले जानकारी दिनुभयो । छलफल कार्यक्रममा शैक्षिक सुधार वारेमा नगर शिक्षा शाखा प्रमुख नरबहादुर कार्की, अनुगमन सूचक वारेमा स्रोत व्यक्ति हरि प्रसाद जोशीले कार्यपत्र प्रस्ततु गर्नुभएको थियो । छलफल कार्यक्रममा नेपाल राष्ट्रिय शिक्षक संगठनका जिल्ला अध्यक्ष जानकी वोहरा, नेपाल शिक्षक संघ नगर अध्यक्ष बलहादुर ठकुल्ला, महेन्द्र माविका विद्यालय व्यवस्थापन समतिका अध्यक्ष केसर मिया लगायतले शैक्षिक गुणस्तरको लागि सबैले लाग्नुपर्नेमा जोड दिनुभएको थियो । छलफल कार्यक्रममा साँफेबगर नगरपालिकाका उपप्रमुख विर्मला वुड्थापा, नगर शिक्षक समिति सदस्य अमर बहादुर शाह, शम्भु मिया, निमित्त प्रमुख प्रशासकीय अधिकृत लक्ष्मिप्रसाद शर्मा, नेपाल शिक्षक महासंघका नगर अध्यक्ष धर्मन्द्र शाह, नगरका विद्यालयका प्रअ, विद्यालय व्यवस्थापन समितिका अध्यक्षको सहभागिता रहेको थियो ।

स्थानीय सरकारको संस्थागत स्वमुल्यांकन कार्यविधि (प्रणाली) - Local Government Institutional Self-Assesment (LISA) System को अभिमुखीकरण कार्यक्रम

स्थानीय सरकारको संस्थागत स्वमुल्यांकन कार्यविधि (प्रणाली) - Local Government Institutional Self-Assesment (LISA) System को अभिमुखीकरण कार्यक्रम सुदुरपश्चिम प्रदेश अन्तर्गत अछाम जिल्लाको साफेबगर नगरपालिकामा सम्पन्न भएको छ । संघीय मामिला तथा सामान्य प्रशासन मन्त्रालयको समन्वयमा संचालित उक्त कार्यक्रम पहिलो चरणमा सुदुरपश्चिम प्रदेश अन्तर्गत ५ तथा देशै भरि ३५ स्थानीय तहमा सम्पन्न हुनेछ भने दोस्रो चरणमा देशैभरिका बाकी ७१८ गरि ७५३ वटै स्थानीय तहहरुमा लागु हुने कार्यक्रम रहेको छ । जम्मा १० बिषयक्षेत्र अन्तर्गत १०० वटा सूचक रहेको यस प्रणाली मार्फत स्थानीय तहले आफ्नो बहु-आयामिक संस्थागत मुल्यांकन आफै गर्न सक्ने छन् । यो प्रणाली लागु भएपश्चात स्थानीय तहको वर्तमान स्थिति विश्लेषण, भावी योजना निर्माण, शुसासन प्रवर्धन तथा विभिन्न अनुदानका कार्यक्रममा उपयोगी हुनेछ ।  कार्यक्रम मिति: पौष ३०, माघ २ र ३ गते , २०७५ समय: बिहान ८ बजेदेखि ५ बजेसम्म कार्यक्रमबारे नगर-प्रमुखको धारणा सुन्न यहाँ क्लिक गर्नुहोस् : https://www.youtube.com/watch?v=4BRoFx509c8&t=3s

वडा नं ४ काे आयोजनामा मिति २०७५।९।१२ गते बाट पुरूष भलिबल प्रतियाेगिता सुरु

साँफेबगर नगरपालिका वडा नं ४ काे अायाेजनामा आज मिति २०७५।९।१२ गते बाट पुरूष भलिबल प्रतियाेगिताको उदघाटन भएको छ।

कुस्ठरोग निवारण अभियान २०७५ सम्बन्धि अभिमुखिकरण तथा सुक्ष्म कार्ययोजना कार्यक्रम

नगरपालिका स्तरीय कुस्ठरोग निवारण अभियान २०७५ सम्बन्धि अभिमुखिकरण तथा सुक्ष्म कार्ययोजना कार्यक्रम कुस्ठरोगीका अनुभव सुन्न तलको लिङ्कमा क्लिक गर्नुहोस्। https://www.youtube.com/watch?v=a-CdcELijyE&t=1s  

सामुदायिक विद्यालयमा सूचना प्रविधि प्रयोगशाला (IT LAB) स्थापना गर्ने सम्बन्धमा

नेपाल दुरसञ्चार प्राधिकरणबाट सामुदायिक विद्यालयमा सूचना प्रविधि प्रयोगशाला (IT LAB) स्थापना गर्ने सम्बन्धमा प्रस्ताव माग गरिएकोले मापदण्डहरु पुरा भएका विद्यालयले प्रस्ताव पेस गरिदिनुहोला । थप जानकारीका लागी साफेबगर नगरपालिकामा सम्पर्क गर्नुहोला। Email: sanfebagarmun@gmail.com

चण्डिकामा सामुदायिक सुचना प्रविधि केन्द्रको उद्घाटन

साँफेबगर नगरपालिकको वडा न. ८ चण्डिकामा सुशासन परियोजना अन्तर्गतको मालिका विकास संघको सहयोगमा सामुदायिक सुचना प्रविधि केन्द्रको उद्घाटन नगर उप-प्रमुख विर्मला देवि बुड्थापाले गर्नु भएको छ। सुचना प्रविधि केन्द्रमा डेक्सटप,लयापटप,प्रिन्टर,प्रोजेक्टर,राउटर,४३ इन्च LED स्मार्ट टि.भि, केहि फर्निचरका सामानहरु राखिएका छन। सुचना प्रविधिको मुख्य उदेश्य सिमान्तकृत वर्गलाइ आफ्नो हक-अधिकारबारे जानकारी दिनु र सुचना प्रवाहलाई सहज गर्दै सरकारलाई जवाफदही र पारदर्शि बनाउनु रहेको छ।

Pages